វេជ្ជបណ្ឌិត Zhang Andi

ផ្នែកប្រព័ន្ធរំលាយអាហារ

អ្នកស្រី ឈិន អាយុ ៦៣ ឆ្នាំ​បាន​ទៅ​មន្ទីរពេទ្យ​នៃ​សាកលវិទ្យាល័យ​វេជ្ជសាស្ត្រ​ចិន​ដើម្បី​ធ្វើការ​ឆ្លុះ​ពោះវៀនធំ ហើយ​បាន​រក​ឃើញ​ដុំ​សាច់​ធំ​ទំហំ ៦ សង់ទីម៉ែត្រ​នៅក្នុង​ពោះវៀនធំ​។ ដោយពិចារណា​នូវផល​ប៉ះ​ពាល់​ច្រើនពីការវះកាត់ គួបផ្សំជាមួយនឹងលទ្ធផលនៃការថតឆ្លុះ និងការធ្វើកោសល្យវិច័យ បានបញ្ជាក់ថា មិន​មានជំងឺមហារីករាតត្បាតទេ  ដូច្នេះអ្នកស្រីត្រូវបានផ្ទេរទៅគ្លីនីករបស់វេជ្ជបណ្ឌិត Zhang Andi ជំនាញ​ផ្នែក​ប្រព័ន្ធរំលាយអាហារ ដើម្បីរៀបចំការវះកាត់ដុំសាច់។ ការវះកាត់ដោយអង់ដូស្កុបត្រូវបានបញ្ចប់យ៉ាងរលូន។ អ្នកស្រី​អាចញ៉ាំអាហារបាន ៦ ម៉ោងក្រោយការវះកាត់។ ជាសះស្បើយឡើងវិញ ព្រោះវាគឺជាការវះកាត់​មិន​បង្ក​មុខ​របួសណាមួយ ត្រូវតាមដានពោះវៀនធំរយៈពេល ៣ ខែបន្ទាប់ពីការវះកាត់។ មុខរបួសនៅក្នុង​ខ្លួនបាន​ជាសះ​ស្បើយ​ឡើងវិញហើយ ហើយរូបអេកូនេះបង្ហាញថាមិនមានកោសិកាដុំសាច់ដែលនៅសេសសល់ ឬដុះឡើង​វិញ​ទេ។

អ្នកស្រី ឈិន បាននិយាយថា អ្នកស្រីបានធ្វើការពិនិត្យឈាមក្នុងលាមក ដែលឧបត្ថម្ភដោយរដ្ឋាភិបាល​ជា​រៀងរាល់ឆ្នាំ ហើយទទួលបានលទ្ធផលនៃការពិនិត្យនៅឆ្នាំ​ ២០១៩ គឺវិជ្ជមាន។ បន្ទាប់ពីការពិនិត្យ​រួចត្រូវ​បាន​វិនិច្ឆ័យថាជាជំងឺឬសដូងបាត ហើយនៅឆ្នាំ​២០១៩ ការធ្វើកោសល្យវិច័យពោះវៀន​ត្រូវបានធ្វើ​នៅ​មន្ទីរ​ពេទ្យនៃ​សាកល​វិទ្យាល័យវេជ្ជសាស្ត្រចិន និងបានរកឃើញដុំសាច់ទំហំ ៦ សង់ទីម៉ែត្រ និងបានរៀបចំការវះកាត់​យកដុំ​សាច់ក្នុងពោះវៀនធំនៅខែវិច្ឆិកា ឆ្នាំនេះ ហើយត្រលប់មកផ្ទះវិញបន្ទាប់ពីសម្រាកព្យាបាល​នៅមន្ទីរ​ពេទ្យ​រយៈ​ពេល​បីថ្ងៃ។ អ្នកស្រី ឈិន បាននិយាយថា កាលពីមួយឆ្នាំមុន អ្នកស្រីចាប់ផ្តើមឃើញថាលាមកមាន​បរិមាណ​តិច ហើយ​មានក្លិនស្អុយ វាពិតជាគ្រោះថ្នាក់ណាស់ ព្រោះត្រូវព្យាបាលបានឆាប់តាមដែលអាចធ្វើបាន តាមរយៈ​ការ​ពិនិត្យសុខភាពជារៀងរាល់ឆ្នាំ។​ ស្ថានភាពពោះវៀនបច្ចុប្បន្នបានធូស្រាលប្រសើរឡើងច្រើន​។ ​អ្នកស្រី​ក៏​យក​ចិត្ត​ទុក​ដាក់​លើ​ការ​ទទួល​ទាន​បន្លែ ផ្លែឈើ និង​ទឹក​បន្ថែម​ទៀត។ អ្នកស្រី​ក៏​បាន​និយាយ​ថា ​ អ្នកស្រីពិត​ជា​សំណាង​ណាស់ដែលបាន​រក​ឃើញជំងឺនេះ​ទាន់​ពេល​វេលា និង​ព្យាបាល​ទាន់​ពេល​!

អ្នកជំងឺម្នាក់ទៀតគឺលោកតា ហុង អាយុ ៨០ ឆ្នាំ បានរកឃើញជំងឺមហារីកពោះវៀនធំនៅឆ្នាំ ២០២០ ហើយ​​បន្ទាប់មកត្រូវបានបញ្ជូនទៅវះកាត់ពោះវៀនធំនៅមន្ទីរពេទ្យរបស់យើង។ លោកបានតាមដានពោះវៀន​ធំ​រយៈពេល​ប្រាំមួយខែបន្ទាប់ពីការវះកាត់ ប៉ុន្តែបានរកឃើញដុំសាច់ទំហំ ៧ សង់ទីម៉ែត្រផ្សេងទៀត​នៅក្នុងពោះវៀន​ធំ។ ដោយគិតគូរពីអាយុរបស់ស់លោក និងផលប៉ះពាល់ច្រើនពីការវះកាត់ ហើយការជាសះស្បើយមាន​រយៈ​ពេល​​យូរ លោកតាចង់ទទួលការវះកាត់ម្តងទៀតទេ។ លោកតាក៏ត្រូវបានផ្ទេរទៅគ្លីនីករបស់វេជ្ជបណ្ឌិត Zhang Andi ដើម្បីរៀបចំវះកាត់ដុំសាច់ដុះដោយអង់ដូស្កុប។ ការ​វះកាត់​នេះ​បាន​ដំណើរការ​យ៉ាង​រលូន​ក្នុង​រយៈពេល​ ១ ​ម៉ោងកន្លះ។ លោកត្រា​អាច​ញ៉ាំ ​៦ ​ម៉ោង​ក្រោយ​វះកាត់។  ស្ថានភាព​ជា​សះស្បើយ​ល្អ​។​ ​បច្ចុប្បន្នលោកតារស់នៅ​ធម្មតា​ដូចគេឯង។​ ការ​ថតអេកូ​ដោយ​កុំព្យូទ័រ​ ​៣ ​ខែ​ក្រោយ​ការ​វះកាត់​ក៏​បង្ហាញ​ថា​គ្មានកោសិកាដុំសាច់ដែលនៅ​សេសសល់ ឬដុះឡើងវិញទេ។

លោកវេជ្ជបណ្ឌិត Zhang Andi បានចង្អុលបង្ហាញថា កាលពីអតីតកាល សម្រាប់ដុំសាច់ធំដុះនៅ​ក្នុង​ពោះ​វៀនធំ ការវះកាត់គឺជាជម្រើសតែមួយគត់។ ស្របពេលមានភាពជឿនលឿននៃបច្ចេកវិទ្យាអង់ដូស្កុប      ដុំសាច់មហារីកដំណាក់កាលដំបូង ឬដុំសាច់ធំមុនដំណាក់កាលមហារីក អាចប្រើដោយមិនចាំបាច់ប្រើ   អាចធ្វើការ​វះកាត់​យកដុំ​សាច់​ដោយ​អង់ដូស្កូប​​ដើម្បី​យក​ដុំ​សាច់​ចេញ​ទាំង​ស្រុង និង​រក្សា​សរីរាង្គ។​ បើ​ប្រៀបធៀប​នឹង​ការ​វះ​កាត់​បែប​បុរាណ វា​មាន​គុណ​សម្បត្តិ​មិន​បង្កឲ្យមានមុខ​របួស​ខាង​ក្រៅ ការ​ជាសះ​ឡើង​វិញ​លឿន​ជាង​មុន និង​គុណភាព​ជីវិត​រស់​នៅ​បាន​យូរ​ជាង​មុន​ ហើយនិងការព្យាបាលជំងឺមហារីកក្នុងដំណាក់កាលដំបូង និង​ការ​វះកាត់ទទួលបានលទ្ធភាពល្អដូចគ្នា។