ការរាតត្បាតនៃជំងឺកូវីដបានពន្លឿនការផ្លាស់ប្តូរស្ថាប័នវេជ្ជសាស្ត្រតាមប្រព័ន្ធឌីជីថល ដើម្បីឆ្លើយតប​ទៅ​នឹង​ផលប៉ះពាល់នៃការរាតត្បាតជំងឺនេះ និងការផ្លាស់ប្តូរអាកប្បកិរិយាវេជ្ជសាស្រ្តរបស់អ្នកជំងឺ​បន្ទាប់​ពី​វិបត្តិ​ជំងឺ​នេះ មន្ទីរពេទ្យនៃសាកលវិទ្យាល័យវេជ្ជសាស្ត្រចិនបានពន្លឿនការផ្លាស់ប្តូរប្រព័ន្ធឌីជីថល​តាមរយៈយុទ្ធសាស្រ្ត​សំខាន់ៗចំនួនពីរ៖ ១. នាំចូល Microsoft Azure ដោយសហការជាមួយមជ្ឈមណ្ឌលវេជ្ជសាស្ត្រក្នុងស្រុក​ចំនួន ៥ កន្លែង ក្នុងស្រុក រួមគ្នាបង្កើតកម្មវិធីវេជ្ជសាស្រ្ត AI ដ៏ទំនើបបំផុត និងកាត់បន្ថយពេលវេលា​ដែលត្រូវការ​សម្រាប់​ប្រតិបត្តិការដំណើរការលំដាប់ហ្សែនរបស់មនុស្ស ១៦០.០០០ នាក់ និងវាយតម្លៃភាពជាប់ទាក់​ទងគ្នា​រវាង​លំដាប់​ហ្សែន និងលក្ខខណ្ឌអ្នកជំងឺកាន់តែមានប្រសិទ្ធភាព។ ២.វិភាគទិន្នន័យឌីជីថលដោយ Power BI ប្រើដោយ​ផ្ទាល់​ក្នុងការធ្វើរោគវិនិច្ឆ័យ និងការត្រួតពិនិត្យការប្រើប្រាស់ មិនត្រឹមតែធ្វើឲ្យប្រសើរឡើង​នូវសមត្ថភាពវិនិច្ឆ័យ​របស់វេជ្ជបណ្ឌិត តាមដានយ៉ាងមានប្រសិទ្ធភាពនូវវឌ្ឍនភាពនៃការផ្តល់ថ្នាំ និងកាត់បន្ថយឱកាសនៃការឆ្លង​ប៉ុណ្ណោះទេ ប៉ុន្តែថែមទាំងជួយសង្គ្រោះជីវិតអ្នកជំងឺដោយជោគជ័យដោយប្រើបច្ចេកវិទ្យានេះផងដែរ។

មន្ទីរពេទ្យនៃសាកលវិទ្យាល័យវេជ្ជសាស្ត្រចិនប្រើប្រាស់បច្ចេកវិទ្យា Azure លើប្រព័ន្ធសេវាក្លោដនៅក្នុង​កម្មវិធី​វេជ្ជសាស្រ្តច្បាស់លាស់ ដើម្បីកែលម្អសមត្ថភាព IT របស់មន្ទីរពេទ្យ

ដើម្បីពន្លឿនការផ្លាស់ប្តូរតាមប្រព័ន្ធឌីជីថល មន្ទីរពេទ្យនៃសាកលវិទ្យាល័យវេជ្ជសាស្ត្រ​ចិនបាន​ណែនាំ​ឲ្យ​ប្រើប្រាស់បច្ចេកវិទ្យា Microsoft Azure លើប្រព័ន្ធក្លោដ ហើយដាក់ប្រព័ន្ធនេះឲ្យប្រើប្រាស់ជា​សាធារណៈ​ដោយ​ផ្ទាល់​នៅលើប្រព័ន្ធក្លោដ ដូចជាគេហទំព័រផ្លូវការ ការអប់រំសុខភាពជាដើម វីដេអូ និងអូឌីយ៉ូ គេហទំព័រ​ដែល​បាន​ចុះ​ឈ្មោះ... ប្រព័ន្ធការពារព័ត៌មានសម្ងាត់ដូចជា ព័ត៌មានផ្ទាល់ខ្លួនរបស់អ្នកជំងឺ និងកំណត់ត្រាវេជ្ជសាស្រ្ត​ក្នុង​ប្រព័ន្ធ​ក្លោដឯកជន មិនថាវាជាសាធារណៈ ឬឯកជនទេ យន្តការបម្រុងទុកត្រូវបានបង្កើតឡើង ដើម្បីធានាថា​ទិន្នន័យទាំងអស់មានសុវត្ថិភាព និងពេញលេញ។

មន្ទីរពេទ្យនៃសាកលវិទ្យាល័យវេជ្ជសាស្ត្រចិនក៏ប្រើប្រាស់ក្របខ័ណ្ឌសិក្សារបស់រដ្ឋ (Federated Learning, FL) សម្រាប់ការបណ្តុះបណ្តាលគំរូ Azure AI និងកម្មវិធីវេជ្ជសាស្ត្រឆ្លាតវៃផងដែរ ក្នុងចំណោមនោះ​មានវិទ្យា​ស្ថាន​សុខភាពជាតិ (NIH) និងមជ្ឈមណ្ឌលវេជ្ជសាស្ត្រក្នុងស្រុក​ចំនួនប្រាំកន្លែង​បានរួមគ្នាអភិវឌ្ឍ​បង្កើត​កម្មវិធី​វេជ្ជសាស្ត្រ AI កម្រិតខ្ពស់បំផុត  អនុវត្តយ៉ាងពេញលេញនូវបច្ចេកវិទ្យា Azure AI សម្រាប់ករណីជំងឺខួរក្បាល បេះដូង មហារីក ហ្សែន ការសង្គ្រោះបន្ទាន់ និងជំងឺធ្ងន់ធ្ងរ និងគម្រោងវេជ្ជសាស្ត្រផ្សេងៗ ហើយប្រើប្រាស់​បច្ចេក​វិទ្យា Azure PaaS ដើម្បីវិភាគលំដាប់នៃហ្សែន និងមានភាពវៃឆ្លាតក្នុងកម្មវិធីឱសថជាក់លាក់ ព្រមទាំងរក្សា​ទំនាក់ទំនងជាមួយវេជ្ជបណ្ឌិតនៅដំណាក់កាលអនុវត្តវេជ្ជសាស្រ្តកម្រិតខ្ពស់។

លោក Zhou Deyang ប្រធានមន្ទីរពេទ្យសាខានៃសាកលវិទ្យាល័យវេជ្ជសាស្ត្រចិនបានមានប្រសាសន៍ថា បច្ចេកវិទ្យា Microsoft Azure មិនត្រឹមតែអាចបំពេញតម្រូវការបន្ថែម និងពង្រីកសមត្ថភាពសេវាកម្មប៉ុណ្ណោះទេ ប៉ុន្តែថែមទាំងធានានូវសុវត្ថិភាព និងសិទ្ធិឯកជន ហើយអាចផ្តល់នូវសេវាក្លោដទាំងសាធារណៈ និងឯក​ជន​ផង​ដែរ ក៏ដូចជាពី IaaS, PaaS ទៅ SaaS ផងដែរ សុទ្ធតែជាកម្មវិធីប្រព័ន្ធផ្តល់សេវាកម្មមួយ មន្ទីរពេទ្យនៃសាកល វិទ្យាល័យវេជ្ជសាស្ត្រចិនមានសេចក្តីសោមនស្សរីករាយក្នុងការសហការជាមួយក្រុមហ៊ុន Microsoft ផ្ទេរប្រព័ន្ធ វេជ្ជសាស្ត្រជាបណ្តើរៗទៅកាន់វេទិកាពក្លោដសាធារណៈ (Public Cloud Platform)។ ជាមួយនឹងការគណនាល្បឿនលឿន និងការវិភាគទិន្នន័យធំ គ្រូពេទ្យអាចវិភាគទិន្នន័យជាក់ស្តែង និងមើល ឃើញកាន់តែច្រើន និងកាត់បន្ថយពេលវេលាធ្វើការសម្រេចចិត្តផ្នែកវេជ្ជសាស្ដ្រ​ដែលអនុញ្ញាតឱ្យ​អ្នក​ជំងឺ​ម្នាក់​ៗ   ទ​ទួលបានការធ្វើរោគវិនិច្ឆ័យ ការព្យាបាល និងការថែទាំប្រកបដោយវិជ្ជាជីវៈសមស្រប និងគុណភាពខ្ពស់បំផុត។

លោក Pan Xianguo នាយកគ្រប់គ្រងទូទៅនៃក្រុមហ៊ុនអាជីវកម្មសាធារណៈ Microsoft នៅតៃវ៉ាន់ បាន​អះអាងថា ក្រុមហ៊ុន Microsoft បាននឹងកំពុងខិតខំប្រឹងប្រែងធ្វើយ៉ាងណា​ដើម្បីជួយអតិថិជនផ្លាស់ប្តូរ​ទៅ​ប្រព័​ន្ធ​ឌីជីថលតាមរយៈការពង្រឹងបច្ចេកវិទ្យា។ វាពិតជាអស្ចារ្យណាស់ដែលឃើញក្រុមគ្រូពេទ្យមន្ទីរពេទ្យ​សាខា​នៃ​សាកល​វិទ្យាល័យវេជ្ជសាស្ត្រចិនប្រើប្រាស់បច្ចេកវិទ្យា Microsoft ដើម្បីបង្កើនប្រសិទ្ធភាព និងគុណភាពផ្នែកវេជ្ជ​សាស្រ្ត និងពង្រឹងសមត្ថភាពធ្វើសម្រេចចិត្តផ្អែកលើទិន្នន័យ ឧបករណ៍ជំនួយគុណភាពវេជ្ជសាស្រ្ត ហើយគេរំពឹង​ថានឹងមានកិច្ចសហប្រតិបត្តិការឈានមួយកម្រិតបន្ថែមទៀតជាមួយគ្រូពេទ្យមន្ទីរពេទ្យសាខានៃសាកលវិទ្យាល័យ​វេជ្ជសាស្ត្រចិននាពេលអនាគត ហើយធ្វើការរួមគ្នាដើម្បីរួមចំណែកដល់ការបង្កើនប្រសិទ្ធភាព​នៃវិស័យ​វេជ្ជសាស្រ្តនៅតៃវ៉ាន់។

ក្រុមគ្រូពេទ្យសង្រ្គោះបន្ទាន់ (ICU) នៃមន្ទីរពេទ្យសាខានៃសាកលវិទ្យាល័យវេជ្ជសាស្ត្រចិន ប្រើប្រាស់ Power BI ពីការបង្កើនប្រសិទ្ធភាពនៃការសង្គ្រោះជីវិត

គោលបំណងដើមនៃការប្រើប្រាស់បញ្ញាធុរកិច្ច (BI) គឺធ្វើការសម្រេចចិត្តផ្នែកធុរកិច្ច ដោយវិភាគទិន្នន័យ ផ្តោតលើការគ្រប់គ្រង សូចនាករ ការអនុវត្ត និងការចំណាយ។ ក្រុមគ្រូពេទ្យសង្រ្គោះបន្ទាន់ (ICU) នៃមន្ទីរ​ពេទ្យ​សាខានៃសាកលវិទ្យាល័យវេជ្ជសាស្ត្រចិនប្រើប្រាស់ Power BI ដើម្បីតាមដានស្ថានភាពសរីរវិទ្យារបស់អ្នកជំងឺ ដើម្បីសម្រេចបាននូវគោលបំណងសង្គ្រោះជីវិត ដូច្នេះ Power BI ត្រូវបានផ្លាស់ប្តូរពីការប្រើប្រាស់ជាលក្ខណៈ​ពាណិជ្ជ​កម្មទៅជាបេសកកម្មវេជ្ជសាស្រ្តដ៏ថ្លៃថ្នូរក្នុងការសង្គ្រោះជីវិតមនុស្ស។

យោងតាមស្ថិតិ មានអ្នកជំងឺប្រហែល ១០% ដែលមានរោគសញ្ញាផ្លូវដង្ហើមស្រួចស្រាវ (ARDS) នៅក្នុង​បន្ទប់សង្រ្គោះបន្ទាន់ (ICU) និងអត្រាមរណភាពគឺប្រហែល ៣៥%។ ការអនុវត្តយុទ្ធសាស្រ្តការពារសួត និងវិធាន​ការផ្សេងទៀតអាចកាត់បន្ថយអត្រាមរណភាពបានយ៉ាងមានប្រសិទ្ធភាព។ ទោះបីជាយ៉ាងណាក៏ដោយ បញ្ហា​កន្លង​មកគឺថាការធ្វើរោគវិនិច្ឆ័យជំងឺ ARDS ទាមទារឱ្យមានការវាយតម្លៃលើទិន្នន័យ និងទិន្នន័យគ្លីនិកផ្សេងៗ ហើយគ្រូពេទ្យម្នាក់ៗមានការយល់ឃើញខុសៗគ្នាចំពោះយុទ្ធសាស្ត្រស្តង់ដារ ដូច្នេះពួកគេអាចខកខាន​មិនបាន​អនុវត្តយុទ្ធសាស្រ្តការពារសួតទាន់ពេលវេលា។

គ្រូពេទ្យ Zeng Haoyang សមាជិកនៃក្រុមគ្រូពេទ្យសង្រ្គោះបន្ទាន់ (ICU) នៃមន្ទីរពេទ្យ​សាខានៃ​សាកលវិទ្យាល័យវេជ្ជសាស្ត្រចិន បានពន្យល់ពីរបៀបប្រើប្រាស់ Power BI ដើម្បីជួយធ្វើរោគវិនិច្ឆ័យជំងឺ ARDS និងប្រើប្រាស់ Power BI ដើម្បីតាមដានទិន្នន័យអ្នកជំងឺ និងការព្យាបាលអ្នកជំងឺ។ ក្រោមលក្ខខណ្ឌនៃ​ការ​ត្រួត​ពិនិត្យកំហាប់អុកស៊ីហ្សែន និងសន្ទស្សន៍អុកស៊ីហ្សែនរបស់ឧបករណ៍ដកដង្ហើមអុកស៊ីហ្សែន អ្នកជំងឺ ARDS ធ្ងន់ធ្ងរ នៅដំណាក់កាលដំបូង ត្រូវការកំហាប់អុកស៊ីហ្សែនខ្ពស់ ដូច្នេះខ្សែកោងសន្ទស្សន៍អុកស៊ីហ្សែន​មាន​កម្រិត​ទាប។ ប្រសិនបើវិធានការព្យាបាលផ្សេងៗ រួមទាំងយុទ្ធសាស្ត្រការពារសួតអាចត្រូវបានអនុវត្តទាន់ពេល ប្រសិន​បើខ្សែកោងកំហាប់អុកស៊ីហ្សែនត្រូវបានសង្កេតឃើញថយចុះ ហើយខ្សែកោងសន្ទស្សន៍អុកស៊ីហ្សែនកើនឡើង នោះ "ឱកាសរស់រានមានជីវិត" បង្ហាញថាអ្នកជំងឺបានឆ្លងកាត់ការធ្វើតេស្ត និងសង្គ្រោះជីវិតអ្នកជំងឺ ARDS ដោយជោគជ័យ។ ចាប់តាំងពីការណែនាំនៃការត្រួតពិនិត្យគុណភាពក្រោមជំនួយពី BI នៅដើមឆ្នាំនេះ អត្រា​សង្គ្រោះ​ជីវិតអ្នកជំងឺ ARDS បានកើនឡើង ២២.១% ហើយអត្រាមរណភាពក្នុងអំឡុង​ពេលសម្រាក​ព្យាបាល​នៅមន្ទីរពេទ្យត្រូវបានសង្កេតឃើញជាលើកដំបូងថាថយចុះ ២២.៤%។

លើសពីនេះ មន្ទីរពេទ្យសាខានៃសាកលវិទ្យាល័យវេជ្ជសាស្ត្រចិនក៏បានប្រើប្រាស់ Power BI ដើម្បីបង្កើត "ប្រព័ន្ធគ្រប់គ្រងគុណភាពថ្នាំ" ដើម្បីយល់ពីស្ថានភាពប្រតិបត្តិនៃការចែកចាយថ្នាំ ការត្រួតពិនិត្យថ្នាំពិសេស ការត្រួតពិនិត្យពេលវេលាជាក់ស្តែងជាមួយបុគ្គលិកគិលានុបដ្ឋាក ការវិភាគមូលហេតុ និងការកែលម្អការផ្តល់ថ្នាំ ហើយ "ប្រព័ន្ធគ្រប់គ្រងគ្រុនក្តៅ" គឺសម្រាប់ការត្រួតពិនិត្យពេលវេលាជាក់ស្តែងនៃគ្រុនក្តៅ ការឆ្លងមេរោគ ការ​បណ្តុះ​មេរោគ និងការប្រើប្រាស់ថ្នាំអង់ទីប៊ីយោទិចនៅក្នុងបន្ទប់នីមួយៗ ដើម្បីការពារការឆ្លងមេរោគ ក្នុង​ក្តី​សង្ឃឹម​ថា ការថែទាំវេជ្ជសាស្រ្តដ៏ឆ្លាតវៃនេះនឹង ត្រូវ​បាន​ប្រើប្រាស់​យ៉ាង​ទូលំទូលាយ​ដើម្បី​អនុញ្ញាត​ឱ្យ​អ្នក​ជំងឺ​ទទួល​បាន​ការ​ព្យាបាល​ទាន់​ពេល​វេលា​ប្រកបដោយប្រសិទ្ធភាពខ្ពស់។